Jentehelg med stølspreg på Beitostølen

For vaksne jenter i alle aldre som er glad i fjell og støl. Fredag 6. – sundag 8. september 201.

Tur til Mugnetind står på programmet (Foto: Aud Eva Bergo)

Denne helga 6. – 8. september, er du invitert til Beitostølen og stølsområda omkring. Helga er frå gamalt bufarhelga, då budeia flytte heim frå stølen med kyrne. Det er færre budeier i dag,  men dette er eit av dei området i Norden der stølslivet står sterkast.

Vi har sydd saman eit program som vi trur er interessant for deg som er glad i fjell, og som er interessert i å lære meir om budeia og stølsliv. Du er hjarteleg velkommen åleine, eller saman med venner.

 

Fredag 6. september:

Innsjekking på Bergo Hotel.

1830 -1900     Velkommen, om programmet for helga

1900 - 1930    Budeiene, naturens døtre ved Inger Marie Vingdal

2000 -             Middag med den du vil og der du vil. Vi kan hjelpe til med bordbestilling, og du er velkomen til restauranten Bare Kos på hotellet der vi arrangørane er.

 

Laurdag 7. september

0730 - 0900    Frukost med matpakke

0900                Vi går til Liastølen, der selet er frå 1700 tallet, ca 300 m frå Bergo

0910 - 1000    Stølsliv i gamle dagar ved Solveig Sandberg

1030                Avreise til Mugnastølen og tur til Mugnatindområdet for tur 1 og 2.  


  1. På toppen ser du vidt omkring til Jotunheimen, Valdresflya, ut over heile Valdres og vestover mot Sognefjella. Turen tek 4 – 5 timar.
  2. Guida tur i MugnatindområdetLangs elva Mugna, til Mugnabøtt-tjerna. Vi brukar meir tid utanfor stig.
  3. Tur i nærområdet på Beitostølen. Start på Liastølen.
    Tilbake på hotellet ca 1530

 

Bruk tida fram til middag slik som du vil. Du har fri tilgang til svømmehall og treningssenter på Radison Blue hotel. På Beitostølen er det kort avstand til ulike tilbod, blant anna mange ulike forretningar og serveringsstadar.

 

1930    Samling før middag

2000    Middag på Bergo med kulturelt innslag.

 

Kathrin Aslaksby med egne produkter for salg (Foto: Morten Jørgensen)

 

Sundag 8. september

0730 – 0900    Frukost

0930                Vi reiser til Olestølen, til budeia Kathrin Aslaksby

 

1000 - 1500    1) Få ein smak av stølsliv på Olestølen – nyt ureist heimelaga økologisk mat i   det gamle stølshuset (selet). Opplev livet på ein autentisk støl med geiter, hestar, griser, ender - og kattar. Budeia fortel om stølslivet og tek oss med på ei kulturell reise (omvisning).
2) Deretter ulike turar frå Olestølen.
Du kan velje mellom:

A) Vandring med kløvhest i vakkert fjell landskap på 1000 m.o.h.  – ei fantastisk turoppleving med nærkontakt med hestane. Å gå med hester i fjellet gir ein heilt unik nærleik til dyr og natur.
B) Fjelltur til Svoloberget 1233 og omegn.  Flott utsikt mot Vinstern, Valdresflya og Jotunheimen.
C) Padle eller ro på Olevatnet. Kano, kajakk eller robåt.

Heimreise frå  ca kl 1530

 

Desse bidreg:

Kathrin Aslaksby er budeie på Olestølen, geitebonde og ystar.

Solveig Sandberg driftar Liastølen, er gardbrukar og kulturformidlar.

Inger Marie Vingdal er førstelektor i kroppsøving, forskar på stølsliv og arrangør av seminaret.

Kulturelt innslag og turguiding ved jenter frå Valdres.

 

Pris

Overnatting fredag til sundag i dobbeltrom med frokost og matpakke laurdag. Treretters middag laurdag. For dette betalar du 2070 kr til Bergo hotel i løpet av helga.

Tillegg for enkeltrom kr 500.

Bergo er midt i sentrum av Beitostølen.

 

Når du melder deg på, betalar du seminaravgifta for opplegget i helga. Den er kr 1320 før 15. april, og kr 1520 etter 15. april. Det er begrensa plassar.

Totalt: Før 15.04.19 kr 3390, etter 15.04.19 kr 3590

 

Transport

Du kjem til Beitostølen med bil eller med buss.

Buss: Valdresekspressen frå Oslo. Øst-VestXpressen mellom Bergen – Sogn- Fagernes- Lillehammer.

 

Påmelding:

Send e-post til ingeving@oslomet.no for meir informasjon.

Påmeldingsskjema finner du HER.